وصيت الرئيس

موضوع: وصيت الرئيس الأربعاء يوليو 30, 2008 4:20 pm

يحكي انه كان في قديم الزمان كان هناك بلد تشبه بلدنا وحاكم له اسره تشبه اسرة حاكمنا المبجل اعزه الله
وذات يوم جاءته سكرة الموت فجمع اسرته وهو يلفظ اخر انفاسه
قال الزعيم بصوت ضعيف ولكنه حازم فى نفس الوقت..
حسن: كلكم موجودين
سوسن: أيوه ياحسن ... أنا جنبك أهه ... وأدى جميل وعلى ..
قمرين دول ولا عينين
حسن: طب إسمعوا اللى حقوله كويس
جميل: سامعينك يابابا ... إتكلم
حسن: بلدنا دى كنز ياولاد ... إمكسوا فيها بإيديكم وسنانكم ... بناكل فيها بقالنا سنين وسنين ولسه بتدينا
على: هيا دى البركة اللى بيقولوا عليها يابابا
حسن: أيوه يابنى .... ربنا يبارك لكم ولعيالكم فيها ... ودلوقتى إسمعونى
أنا سايب لكم ياولاد اللى يكفيكم إنتوا وعيالكم وعيال عيالكم الي يوم الدين ويفيض ... فلوس متلتلة متتعدش .... مش حقول لكم حافظوا عليها وبس ... لآلآلآلآ ...
زودوها كمان وكمان لجل ما روحى ترتاح وأنا فى تربتى
جميل: هيا الفلوس اللى إنته عملتها يابابا دى بتسميها فلوس .... شفنى أنا وعلى حنعمل إيه .... ولا صحيح حتشوفنا إزاى .... عموماً ما تقلقش
حسن: ودلوقتى إسمعوا وصيتى ..... الحكم لأولاد حسن .. لازم أول ما جميل يحلف اليمين تغيروا إسم بلدنا وترجعوه زى ما كان زمان أيام الملك فاروق والملكة نازلى: (المملكة .....)
جميل: مفهوم يابابا
حسن: الجيش والشرطة والأزهر ... أوعوا واحد من التلاته دول يخرج عن طوعكم أبداً
على: مفهوم يا بابا
حسن: أوعوا تفرطوا فى حبيب العادلى من بعدى ياولاد ... حبيب قلبه ميت وإيده طرشه... وهوه ده اللى ينفع مع الغجر اللى هنا
جميل: بس ما بيعجبنيش شنبه يابابا
حسن: إنته مالك ومال أم شنبه ..... إحنا بنشترى مجرم
جميل: : أعاهدك يابابا إنى حخليه معايا ومش حفرط فيه أبداً
حسن: الشيخ طنطاوى ياولاد راجل بركة ..... يمين يمين شمال شمال ..... أوعوا تفرطوا فيه ..... بس ما تخلوهوش يصلى عليا لأنى بصراحة مش متأكد إن كان ربنا حيقبل منه ولا لأ
على: ولا يهمك يابابا .... حخلى أنكل كمال الشاذلى يصلى عليك
حسن: والله لو عملتها ياعلى لكون متبرى منك إلى يوم الدين
على: بهزر معاك يابابا ..... أنكل كمال مش حافظ الفاتحة
حسنى: المشير طنطاوى ياولاد ..... مش حوصيكم عليه ..... الراجل ده عامل زى الست المستحية .... حاطط وشه فى الأرض على طول وعمره ما استجرى يرفع عينه فيا ... وفى نفس الوقت ماسك الجيش بإيد من حديد
سوسن: هوه فعلاً خجول وكل ما يشوفنى ما يقوليش غير ياست هانم .... إبقى خليه معاك ياجميل
جميل: حاضر ياماما
حسن : احرص دايما يا جميل يا ابني انك تخلي الشعب دايما جعان فسدان حيران
لان مفيش غير الطريقه دي اللي تلهي بيها الحوش دول
متخليش عنده وقت يفكر وخليله دايما مسير وعايز جنازتى ياولاد الناس تحكى وتتحاكى عنها ...... هاتوا المخرج الإيطالى ده اللى إسمه مكافيللى يصورها
على وهو يمسك بالألة الحاسبة: هوه حيكلفنا كتير ... لكن ممكن فى الأخر نلم مبلغ معقول لو خلينا شركة أجنبية تحتكر حق توزيع الفيديو فى أوروبا وأمريكا