:450:
أول ماسقت سيارة كابرس موديل 81
اقولكم القصة كاملة والله راح تضحكون مني بس لا احد يعلم بهلول على شان مايضحك اكثر
تخليوا اهلي كانوا نايمين الساعة 2 الظهر عز الظهر الله لا يوريكم عاد مادري وشلون واحد له نفس يسوق الظهر المهم حصلت الفرصة الثمينة التي كنت اخطط لها كثيرا وسرقت مفتاح السيارة ورحت وركبت الكابرس موديل 84
شغلت السيارة ورجعت ورى بعدين قدمت وسقتها وطلعت مع لفة عاد تخبرون الكابرس دعستها خفيفة مرة انا عاد داعس الظاهر اني مطيح الطبلون على الأخير والله ياشباب جيبت برحة ما احد حولي ومسرع بعدين المسجد قدامي اقسم بالله بغيت اشمع بالمسجد مسرع مرة ولما قربت من المسجد مدري وش اسوي والف الدركسون على اخر شي والدريشة كانت فاتحة ويدخل علي الله لا يوريكم يمكن كوم تراب ويتعبا وجهي أغبار الولد مسوي طارة المهم بعدين اخذت السيارة ودخلت حارة اخوياي ( اصحابي) ابي اسوي طارة قدامهم عاد لفيت اللفة وهم قاعدين قالوا احلى ياهوه تسوق ياطاره قاعدين يرفعونلي
وانا قاعد اناظر فيهم وانا أصدم سيارة واقفة واعجن والدينها السارة راحت فيها مانتبهت للسيارة قاعد اناظر لأخوياي وانا اقشع بعدين العطه يابطة وانا اهج واطلعوا اصحاب البيت واهج بعدين مسرع لآخر حد بعدين وانا طاير تعديت اللفة قلت ياولد لفه من هنا ادخل حواري ضيعبهم على شان مايمسكوني وانا اتعديت نصف اللفة وانا ألف الدركسون اخر شي قلت ياولد الحق اللفة هذا والله لا يوريكم وانا اقشع الجدار وينكسر الجدار والبيت كان جديد ويطلون العمال مايدرون وش السالفة وانا راسي يصقع بالزجاج الأمامي المهم وانا ادق ريوص والعمال يناظرون فيني وانا أهج والعمال مهم دارين وش الطبخة منجنين مني كيف هذا يصدم الجدار وماحوله احد واني اجي واصفط السيارة عند بيتنا مسوي فيها انحشت اتاري الناس كلها تدري بالسالفة هذي وجاء صاحب السيارة اللي صدمته وصاحب البيت اللي هديت جدارة والله لا يوركم وش صارلي بعد هذا ماني معلمكم
بس وش رايكم ماني طاره
الأحد فبراير 17, 2008 6:46 pm
