تكملت قصه احلى ماخلق ربي

نواف: مساء الخير ياعمتي
العمة نورة: ياهلا والله بولدي شلونك؟وشلون ابوك وامك؟
نواف: بخير يسلمون عليك
العمة نورة: اخيراً زرتنا
نواف: والله تعرفين مشاغل
العمة نورة: نواف هذولي بنات عمك سلم عليهم
نواف من بعيد: شخباركم بنات..
البنات: الحمد لله..
فيصل: يالله بسرعة خلينا نروح للمجلس.
نواف: عن اذنكم..
العمة نورة: حتى انا بروح ابي اشوف الاخبار
نوف: واااااي يهبل وش ذا انسان ولا ملاك يابختك ياريما
الهنوف: روعة يجنن بمعنى الكلمة
ريما كانت ساكتة وتفكر ياترى يدري فيني يعرفني آآه لو تدري يانواف اش قد احبك واموت فيك
الهنوف: من شاف احبابه نسي اصحابه
ريما: هاه لا بس ماسمعتكم
نوف: اكيد من شفتي ذا الزين عقلك معاه
ريما: اقول انتي وياه اسكتوا انا بروح للبيت
الهنوف: وين تو الناس.؟
ريما كانت متضايقة ان نواف ماعبرهم ولا بكلمه ولااعطاهم وجهه
ريما: لا بس حاسة نفسي تعبانة
نوف: خلاص هنو لاتضغطين عليها خليها براحتها<نوف حست فيها
راحت ريما بعد نص ساعة جاها السواق والشغالة..
وبعدها كانت الهنوف بتروح للمطبخ بتشرب ماء الا مروا من عندها فيصل ونواف وماكان معاه جلال ولا اي شيء تتغطى فيه..نواف اعجبته من اول نظرة وطارت عيونه فيها

فيصل: هنوف يالله روحي الولد بيطلع
الهنوف على طول طلعت وهي تجري من الخوف

في بيت ريما دخلت عليهم وكانت امها جالسه بالصاله وابوها يتابع التلفزيون
ريما: السلام عليكم
الكل: وعليكم السلام
ابو ريما: ياهلا وغلا توه ينور البيت يالغلا
ريما: تسلم يالله انا بروح فوق لغرفتي ابي انام تصبحون على خير
ام ريما: وش فيك حبيبتي ماهي عادتك بالعادة تجين من هنوف والابستامة شاقه وجهك
ريما : لابس تعرفين هنوف ونوف راسي صدع منهم ومن صراخهم وسواليفهم
ابو ريما: خليها ياسلمى يمكن البنت دايخه
ريما: يالله تصبحون على خير
الكل: وانتي من اهله

ريما من دخلت غرفتها وطاحت على السرير وجلست تصيح بصوت واطي علشان مايحسون فيها اهلها
ياربي انا ليش حظي كذا من وعيت على الدنيا وانا احبك يانواف وانت مو حاس فيني ولا معبرني..ليش كذا..آهـ يانواف لو تدري بحبي لك من 7 سنين وانا احبك حرام اللي جالس تسويه فيني

جاء الصبح ويرن جوال ريما
ريما: الووو؟
نوف: هلا وغلا بريما
ريما: هههه وش عندك على الصبح؟
نوف:عندي خبر انما ايه عجيييب!!
ريما: الله يستر منك ومن اخبارك ههههههه
نوف: افااااااا طيب يالله مع السلامه
ريما: استني امزح عليك والله
نوف: هههه عارفة بس حبيت اتغلى غليك
ريما : هاه وش الخبر
نوف : اليوم اتصل علينا عمي سعود يقول بنطلع للبر بكرى كلنا من الصبح الى الليل وبنشوي ونستانس هاه وش رايك؟
ريما: الكل بيطلع<تقصد العيال
نوف: كلهم
ريما خلاص ان شاء الله بنطلع وياكم اكيد قالوا لامي وابوي
نوف: خلاص اجل اشوفك بكرى باي
ريما: باي

.................................................[center]

يطق باب غرفة ريما طق طق!
ريما: مييييين؟
ندى(خالتها): انا ريوم قومي وجع افتحي الباب
ريما: خالتي هنا يامرحبا
ندى: حرام عليك لي ساعه وانا اصعد درجكم وراهـ اللفت خربان؟
ريما: مدري امس تعطل على حظك يالعجوز هههههه
ندى: هاه بتفتحين الباب ولا شلون؟
تقوم ريما وتفتح الباب.. وكانت تسمع اغنية محمد عبده (سير علينا ياهواك سير علينا مشتاق لعيونك تعال سير علينا..سير وش اللي جرى في غيبتك حالي برى..النوم من عيني سرى وانا انتظر منك الوصال..سير علينا يهواك سير علينا. (
ندى: اكيد لي الاغنيه لاني من زمان ماجيتكم<واثقة
ريما: ياعيني ع الواثقين
ندى: ريوم وش رايك نطلع نتغداء في الفيصليه انا وانتي !!
ريما: ياليت ضايق صدري
ندى: ياحياتي وش فيك!
ريما: ابد سلامتك وتبستم ابتسامة صفرا
ندى: يالله لبسي عباتك خلينا نروح استأذنت لك من امك
ريما: دقايق وانزل لك.

وصــــــــلوا الفيصلية..
وراحوا يتمشون فيها وبعدين صعدوا يتغدون المفاجأة كان هناك فيصل ونواف ومحمد اخو نواف جالسين يتقهوون..

ريما : وتضرب كتف خالتها
ندى : اااااااااااااااي وجع وش فيك؟
ريما : خالتي شوفي هذولي الشباب
ندى: عيييب عليك وش فيك تطالعينهم<بتقهرها
ريما: لا بس عيال عمي سعود
ندى: وينهم ابي اشوفهم تكفين وين نواف اللي يقولون تحفه
ريما:انت وش عرفك في نواف؟
ندى: بس اذكر وهو صغير حليووووو
ريما: شوفي ذاك اللي لابس بنطلون جينز وتيشرت اسود
ندى: رووووووعة ماشاء الله انا اقول وش فيهم البنات يحمون حولهم
ريما: ايو الله شوفي كيف يطالعون للعيال بنات آخر زمن
ندى: تكفين ريوم روحي سلمي عليهم
ريما: لاعيوني والله لو فيها عمري ماروح..يالله قومي خلينا نتغدى تراني جوعانه
تغدوا وكانت ريما واقفة تطالع نواف وتتحسر على حظها

وفي اليوم الثاني الكل في الصباح كان مستعد للطلعه البر

ام ريما: ريماااا يالله فشله تأخرنا عليهم قومي بسرعه
ريما : حرام عليكم احد يطلع للثمامة الصبح حر!!
ام ريما: يالله شوفي هنوف من الصبح وهي تتصل علينا تقول قوموها بسرعه
ريما: اوووووووووف طيب بقوم والشكوى لله
ريما جلست نص ساعة على بال ماغسلت وصلت وجهزت عباتها وشنطتها..كانت لابسةبنطلون جينز وبلوزة فوشي حرير روعة ولابسه كاب فوشي مكتوب عليه R وبوت رياضة..وشطنتها كانت صغيره لونها فوشي ..وكحلت عيونها وطلعت

ركبوا السيارة مع ابوها

وصلوا كان مخيم كبيـــــــــر ومكيف قسم للحريم وقسم للرجال
الكل كان موجود ماعدا نواف وفيصل كانوا ناييمين ولافكروا انهم يجون

البنات كانوا مبسوطات بشكل
راحت ريما بتجيب شنطتها من السيارة الا محمد اخو نواف طلع عليها وهي استحت وعلى طول تغطت بسرعه..محمد طار عقله فيها اعجبته بشكل..ريما كان الوضع عادي لان ملك قلبها للنواف فقط..
خذت شنطتها ورجعت للبنات
المهم


جت الساعة خمس ونص
العم طلال : وين نواف وفيصل وراهم ماجوا؟
ابو نواف :اللحين بتصل عليه هذا
ابو نواف: الو وينك فيه؟تعال سلم على عمامك يسئلون عنك.
نواف: يبه بس انا مع فيصل عندنا لعب كوره مع العيال
ابو نواف: ترى ان ماجيت بعد شوي مو بزين لك..تفهم؟
نواف :تامر آمر يبه راح نجيكم..
فيصل: ياخي انت ليش تقولهم اني معاك؟
نواف: ياسلام علشان اذا رحنا لهم تصير براسي الدعوى وانا الي الي يطيحون فين تفشييييل

جت الساعة 6 المغرب ويجون فيصل ونواف
فيصل نواف: السلام عليكم؟؟
الرجال:وعليكم السلام..سلموا عليهم ..
عبد الرحمن اخو نوف جاء عند الحريم: نوووف نوووف تعالي
نوف: وش تبي؟
عبد الرحمن: ابوي يقول جيبوا القهوه ترى فيصل نواف جوا
نوف: طيب بنرسلها لكم
نوووف على طول عند ريما: ريما نواف جاء فرصتك روحي صارحيه انك تحبينه تكفين ابي استمتع بقصه الحب والغرام حقتك
ريما: ياشيخة فيكنا شكلك متأثرة بالافلام الهندية
الهنووف: هههههههههههههه<<على اي شيء تضحك
الحريم كانوا فالينها وناسة سواليف وضحك واصواتهم عالية مررررة..
بانتظار رودوكم الحلوة اشوفكم بالحلقه الجايه باياااااااااااات

يوووووووووووووووووووووووووووووووووووووووووووه خلودي ليه ماتجيب القصه مره وحده والله تقهر
القصه مره حلووووووووووووووه وانت تجيبها حلقات


على العموم مشكور

مشكور خلووووودي


تقبل مروري

مشكوووووووور خيوووووهـ وللد التضيم


مشكووووووووووووور مجنونهـ بسـ حنونهــ


على المروووووووور

حلوه مرررررررررررررررررررررررررره زيك ياحلو :0-0:

تسلم خيوووووووووووو ع المرور